“ƏR VƏ ARVAD”IN İLK TAMAŞASI OLACAQDIR
AZƏRTAC Azərbaycan Mədəniyyət Fonduna istinadla xəbər verir ki, bu qurumun nəzdində fəaliyyət göstərən “Sönməyən ulduzlar” teatrında Üzeyir Hacıbəyovun anadan olmasının 120 illiyi ilə əlaqədar onun “Ər və arvad” əsəri üzərində məşqlər başa çatmışdır. Yeni quruluşda səhnə əsərinin ilk tamaşası iyunun 26-na nəzərdə tutulmuşdur. Təqdimatı Azərbaycan Dövlət Gənc Tamaşaçılar Teatrının səhnəsində keçiriləcək tamaşada əsas rollarda Raziyə Şirinova, əməkdar artist Firuz Xudaverdiyev, Əli Cəfərov və Töhfə Əliyeva çıxış edəcəklər.
Tamaşanın quruluşçu rejissoru Hafiz Fətullayevdir.
Bölmənin digər xəbərləri
