Tehran, 16 fevral AZƏRTAC

İraqın Kürdüstan muxtariyyətinin inzibatı mərkəzi olan Ərbil şəhəri raket atəşinə məruz qalıb.

AZƏRTAC “Al-Arabiya” kanalına istinadla xəbər verir ki, şəhərə 3 raket atılıb. Şəhərin hava limanının yaxınlığından atılan mərmilərin partlaması nəticəsində 3 nəfərin ağır yaralandığı bildirilir.

Nəzərə çatdırılıb ki, şəhəri raket atəşinə tutanların məqsədi Ərbildə yerləşən ABŞ Hərbi Hava Qüvvələrinin hərbi bazasını vurmaq olub.

Rabil Kətanov

AZƏRTAC-ın xüsusi müxbiri

Tehran