Ermənistanda daha 2474 nəfər koronavirusa yoluxub, 14 nəfər ölüb
Tbilisi, 23 oktyabr, AZƏRTAC
Ermənistanda koronavirusa yoluxanların və bu virusdan ölənlərin sayı yenidən kəskin artıb.
Son sutka ərzində Ermənistanda 2474 nəfərdə koronavirus təsdiqlənib.
AZƏRTAC xəbərə verir ki, bu barədə Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi məlumat yayıb.
Bildirilir ki, bununla da ölkədə COVID-19-a yoluxanların sayı 73 min 310-a yüksəlib.
Pandemiya qurbanlarının sayı isə 1145-ə çatıb, onlarında 14-ü son sutka ərzində ölüb.
Hazırda ölkədə 21 min 560 aktiv koronavirus xəstəsinin olduğu bildirilir.
Qeyd edək ki, Ermənistanda koronavirusla əlaqədar cari il martın 11-dən sentyabrın 11-dək fövqəladə vəziyyət rejimi qüvvədə olub. Hazırda isə ölkədə karantin rejimidir və bu rejim 2021-ci il yanvarın 11-dək davam edəcək.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
