Ermənistanda koronavrusa yoluxanların sayı 44 minə çatır
Tbilisi, 1 sentyabr, AZƏRTAC
Ermənistanda koronavirusa yoluxanların sayı daha da artaraq 44 minə yaxınlaşır. Son 24 saat ərzində ölkədə daha 97 nəfərdə COVID-19 virusu aşkarlanıb.
Bununla da Ermənistanda koronavirusa yoluxanların sayı 43 min 878 nəfərə çatıb.
AZƏRTAC xəbər verir ki, bu barədə Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi məlumat yayıb.
Pandemiya qurbanlarının sayı 881-ə, digər səbəblərdən ölən koronavirus xəstələrinin sayı isə 268-ə çatıb.
Hazırda Ermənistanda 4 min 373 aktiv COVID-19 xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
