Ermənistanda mindən çox abonent çirkab sularını Zəngiçaya axıdır
Tbilisi, 29 sentyabr, AZƏRTAC
Hazırda Ermənistanda 1000-dən çox müştəri çirkab sularını birbaşa Razdan çayına (Zəngiçay) axıdır.
AZƏRTAC xəbər verir ki, bu barədə İrəvan Bələdiyyəsinin Ətraf Mühitin Mühafizəsi Departamentinin rəhbəri vəzifəsini icra edən Sirarpi Haykazyan sentyabrın 29-da keçirilən müşavirə zamanı bildirib. Onun sözlərinə görə, Razdan çayı boyunca qeyri-qanuni tullantı sularının axıdılmasının qarşısını almaq üçün kanalizasiya kollektorunun tikintisi üzrə layihə hazırlanıb. Layihənin ilkin dəyəri 2 milyard dram nəzərdə tutulub.
Qeyd edək ki, mənbəyini Göyçə gölündən götürən Zəngiçay (Razdan çayı) Araz çayına tökülür.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
