Ermənistandan Rusiyaya ixrac olunan kənd təsərrüfatı məhsulları geri qaytarılıb
Tbilisi, 24 avqust, AZƏRTAC
Ermənistan ilə Rusiya arasında yenidən gərginlik yaranıb. Rusiya bu dəfə Ermənistandan ixrac olunan kənd təsərrüfatı məhsullarını geri qaytarıb.
AZƏRTAC xəbər verir ki, bu barədə Ermənistan mediası məlumat yayıb.
Bildirilir ki, Gürcüstan vasitəsilə Rusiyaya ixrac edilən kənd təsərrüfatı məhsulları ilə dolu yük maşınları Ermənistana geri qayıdır. Rusiya tərəfinin iddiasına görə, Ermənistandan Rusiyaya ixrac olunan məhsullar fitosanitar tələblərə cavab vermir.
Rusiya tərəfi bir qədər əvvəl digər yükləri, xüsusilə də tikinti materialları daşıyan avtomobilləri ciddi yoxlayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
