Estoniyada son sutkada koronavirusa 881 nəfər yoluxub
Tallin, 18 fevral, AZƏRTAC
Estoniyada son sutka ərzində koronavirusa (COVID-19) yoluxanların sayı 881 nəfər artaraq 54 min 300-ə çatıb.
AZƏRTAC xəbər verir ki, bu barədə Estoniya Səhiyyə Departamenti məlumat yayıb. Bildirilib ki, epidemiyanın yayıldığı tarixdən bəri ölkədə 864 min 395 nəfər müayinə olunub.
Departamentin məlumatına əsasən, son sutka ərzində COVID-19 virusuna görə 6 min 350 nəfərdən götürülən testlərdən 881-nin nəticəsi müsbət çıxıb.
Ölkədə ümumilikdə COVID-19-dan 510 ölüm faktı qeydə alınıb. Sağalanların sayı isə rəsmi rəqəmlərə əsasən 43 min 54 nəfər təşkil edir.
Asiman Əsədov
AZƏRTAC-ın xüsusi müxbiri
Tallin
Bölmənin digər xəbərləri
