“Euronews” telekanalının “Postcards” proqramı növbəti reportajını Lahıca həsr edib VİDEO
Bakı, 4 oktyabr, AZƏRTAC
"Euronews" telekanalının "Postcards" proqramı növbəti reportajını İsmayıllı rayonunun Lahıc qəsəbəsinə həsr edib.
AZƏRTAC xəbər verir ki, Avrora Velesin müəllifi olduğu reportajda tamaşaçılar Azərbaycan haqqında məlumatlandırılır. “Lahıc: mis qablar sənətkarları və Monomaxın papağı” adlı videomaterialda Lahıcın XVIII-XIX əsrlərdə mis qab və soyuq silah hazırlanmasında Qafqazda əsas istehsalat mərkəzlərindən biri olması qeyd edilir.
Reportajda Lahıcda hazırlanmış mis əşyaların Luvr və dünyanın digər mötəbər muzeylərində sərgiləndiyi vurğulanır. Bildirilir ki, Lahıc tarix-mədəniyyət qoruğu “Böyük İpək Yolu” beynəlxalq turizm marşrutuna daxil edilib.
Videomaterialda Lahıcda misgərlik sənəti ilə məşğul olan sənətkarların fikirləri də yer alıb.
Bölmənin digər xəbərləri
