FACİƏ QURBANLARININ XATİRƏSİ YAD EDİLMİŞDİR
Bakı, 31 mart ( AZƏRTAC). Azərbaycan Dillər Universitetində 31 mart - Azərbaycanlıların soyqırımı günü ilə bağlı anma mərasimi keçirilmişdir.
Universitetin prorektoru Ələddin Əliyev ermənilərin əsrlər boyu xalqımıza qarşı planlı surətdə həyata keçirdikləri məkrli siyasətdən, törətdikləri qırğınlardan danışmışdır. Bildirilmişdir ki, erməni daşnakları Azərbaycan torpaqlarında zaman-zaman törətdikləri cinayətləri ört-basdır etmək üçün əvvəlcədən ideoloji zəmin yaratmış, özlərini dünya ictimaiyyətinə “məzlum millət” kimi göstərmişlər.
Mərasimdə çıxış edənlər erməni millətçilərinin Bakı, Şamaxı, Quba, Lənkəran, Qarabağ, Naxçıvan və digər bölgələrdə törətdikləri qırğınları, vəhşilikləri xatırlatmışlar.
Vurğulanmışdır ki, bu qanlı cinayətlərə siyasi qiymətin verilməsi ümummilli liderimiz Heydər Əliyevin adı ilə bağlıdır.
Bölmənin digər xəbərləri
