“Fənərbağça” Mərakeş millisinin futbolçusu ilə 5 illik müqavilə imzalayıb
Bakı, 25 iyul, AZƏRTAC
Türkiyənin “Fənərbağça” komandası Mərakeş millisinin futbolçusu Yussuf En-Nesirini heyətinə qatıb.
AZƏRTAC klubun rəsmi saytına istinadən xəbər verir ki, İspaniya “Sevilya”sından transfer olunan 27 yaşlı hücumçu ilə 5 illik müqavilə imzalanıb. Bu keçid İstanbul nəhənginə 19.5 milyon avroya başa gəlib.
Qeyd edək ki, 2020-ci ildən “Sevilya”da çıxış edən Yussuf En-Nesiri İspaniyanın “Malaqa” və “Leqanes” klublarının da formasını geyinib. Mərakeş yığmasında 67 oyun keçirən futbolçu 20 qol vurub.
Bölmənin digər xəbərləri
