FİLİPPİNDƏ BASIRIQDA ONLARCA ADAM HƏLAK OLMUŞDUR

04.02.2006 [18:51]
Çap et
A⁺ A^-

AZƏRTAC Röyter agentliyinə istinadla xəbər verir ki, Filippin əyalətlərindən birində daşqın nəticəsində azı 5 adam həlak olmuş, bir nəfər itkin düşmüşdür. Yerli polisin nümayəndəsi bildirmişdir ki, həlak olanların evlərini Luson adasındakı İlaqan yaşayış məntəqəsinə gəlmiş sel aparmışdır. Bu adada təbii fəlakət nəticəsində təxminən 40 ailə evsiz-eşiksiz qalmışdır.

Filippin polisinin digər məlumatına görə, paytaxt Manilanın Ultra stadionunda basırıq nəticəsində 79 adam həlak olmuş, 200-dən çox adam xəstəxanaya qoyulmuşdur.

İllik oyun şousunda iştirak etmək üçün təxminən 25 min adamın toplaşdığı girəcəkdə təşkilatçılar biletləri payladıqları zaman kimsə “bomba!” deyə qışqırmış və nəticədə basırıq yaranmışdır.

ABC-CNB teleşirkətinin təşkil etdiyi oyun şousunda iri pul mükafatları və avtomobillər oynanılır.