“Fitch Ratings” İKZF-nin reytinqini “BBB-/Stabil” səviyyəsində təsdiq edib
Bakı, 16 noyabr, AZƏRTAC
“Fitch Ratings” agentliyi tərəfindən İpoteka və Kredit Zəmanət Fondunun fəaliyyətinin növbəti qiymətləndirilməsi həyata keçirilib.
Fonddan AZƏRTAC-a bildirilib ki, agentliyin qiymətləndirməsinə əsasən, İKZF-nin uzunmüddətli xarici və yerli valyutada reytinqi ölkə reytinqinə bərabər “BBB-/Stabil” səviyyəsində təsdiq edilib.
“Fitch”in mövqeyinə görə, reytinqin ölkə reytinqinə bərabər “BBB-” səviyyəsində (proqnoz “stabil”) təsdiq olunması fond ilə dövlət arasında möhkəm əlaqələrin olması, əhalinin əlverişli şərtlərlə mənzillə təmin edilməsi, kiçik və orta sahibkarlığın maliyyələşdirilməsinin asanlaşdırılması yolu ilə biznes mühitinin inkişafında mühüm strateji əhəmiyyət kəsb etməsi ilə bağlıdır.
“Fitch Ratings” agentliyi 2009-cu ildən etibarən fondun fəaliyyətinin qiymətləndirilməsini həyata keçirir və onun müstəqil kredit reytinqini açıqlayır.
Bölmənin digər xəbərləri
