Fitosanitar sahədə müasir metodlarla virusoloji müayinələrin aparılması ilə əlaqədar təlimlər aparılıb
Bakı, 18 mart, AZƏRTAC
Qida təhlükəsizliyi sahəsində kadr potensialının gücləndirilməsi və laboratoriya əməkdaşlarının peşəkarlıqlarının artırılması məqsədilə Qida Təhlükəsizliyi İnstitutunun mütəxəssislərinin mütəmadi olaraq yerli və beynəlxalq təlimlərdə iştirakı təmin edilir.
İnstitutun İctimaiyyətlə əlaqələr və maarifləndirmə departamentindən AZƏRTAC-a verilən məlumata görə, növbəti belə təlim Türkiyənin Bitki Mühafizə Mərkəzi Tədqiqat İnstitutunun virusoloqu Üftade Güner tərəfindən İnstitutun Mərkəzi Fitosanitar Laboratoriyasının virusoloq və molekulyar bioloqları ilə aparılıb.
Təlimin keçirilməsində məqsəd bitki və bitkiçilik məhsullarında virus və viroidlərin törətdiyi xəstəliklərin təhlükəliliyi nəzərə alınmaqla fitosanitar sahədə virusoloji müayinələrdə seroloji və molekulyar üsulların tətbiqinin genişləndirmək, həmin üsulları verifikasiya etmək, bu sahədə mütəxəssislərin bilik və bacarıqlarını artırmaqdır.
Təlimin praktiki hissəsində Qida Təhlükəsizliyi İnstitutunun mütəxəssisləri fitosanitar risk daşıyan fitopatogen virusların müayinəsini aparıblar.
Bölmənin digər xəbərləri
