Formula 1 Avstraliya Qran-Prisi Sidneydə keçirilə bilər
Bakı, 21 oktyabr, AZƏRTAC
Formula 1 üzrə Avstraliya Qran-Prisi Sidneydə keçirilə bilər.
AZƏRTAC xəbər verir ki, bu barədə Avstraliyanın “Seven News” telekanalı məlumat yayıb.
Məlumatda bildirilir ki, hazırda ölkədə pandemiyadan sonra iqtisadiyyatı canlandırmaq layihəsi çərçivəsində Qran-Prinin böyük şəhərlərdən biri olan Sidneydə keçirilməsinin mümkünlüyü müzakirə edilir. Bildirilir ki, hökumət iyunda əyalətdə böyük tədbirlər təşkil etmək üçün 200 milyon dollar ayırıb.
Hazırda Avstraliya Qran-Prisinə Melbrun şəhəri ev sahibliyi edir.
Qeyd edək ki, gələn il keçiriləcək Formula 1 üzrə dünya çempionatının 3-cü mərhələsi olan Avstraliya Qran-Prisi aprelin 10-da baş tutacaq.
Xatırladaq ki, Azərbaycan Qran-Prisi iyunun 12-də təşkil olunacaq.
Bölmənin digər xəbərləri
