FRANSADA İĞTİŞAŞLAR DİGƏR ŞƏHƏRLƏRİ DƏ BÜRÜMÜŞDÜR
İğtişaşlar İl-de-Frans rayonunun hüdudlarından kənara çıxaraq, ölkənin Strasburq, Ren və Tuluza kimi iri şəhərlərini də bürümüşdür. Bu şəhərlərdə gənclər maşınları yandırır, polisə müqavimət göstərirlər.
Ölkə rəsmiləri iğtişaş törədən gənclərlə asayiş keşikçiləri arasında baş verən toqquşmaların bir qədər azaldığını bildirmişlər.
Yaranmış vəziyyətlə əlaqədar Kanadaya səfərini təxirə salmış Baş nazir Dominik de Vilpən paytaxt ətrafındakı qəsəbələrə baş çəkmiş , müsəlman icmasının nümayəndələri ilə görüşərək onların problemi ilə maraqlanmışdır.
Fransa müsəlman icmasının nümayəndəsi iğtişaş törədən müsəlman gəncləri sakitliyə və ölkə qanunlarına riayət etməyə çağırmışdır.
Bölmənin digər xəbərləri
