FRANSADA KÜTLƏVİ İĞTİŞAŞLAR BAŞ VERMİŞDİR
Bir neçə gün əvvəl departamentin immiqrantlar məskunlaşan Klişi-su-Bua qəsəbəsində polisdən qaçan iki gənc elektrik naqillərinə ilişərək həlak olmuşdur. Bu faciə qəsəbə sakinlərinin ciddi narazılığına səbəb olmuşdur. Onlar zorakılıq tədbirlərinə əl atmış, polisə müqavimət göstərmişlər. İğtişaşlar nəticəsində 27 minik, 75 zibil, 3 polis və 2 yanğınsöndürən maşını yandırılmışdır.
Bu vəziyyət Paris ətrafındakı digər qəsəbələrə də təsir göstərmişdir. Bondi, Esson, Val-de-Marn, Nanter, O-de-Sen, İvelin və digər qəsəbələrdə 315 maşın məhv edilmiş, bəzi yerlərdə polisə silahlı müqavimət göstərilmişdir. Bobini qəsəbəsində 40-dək gənc ticarət mərkəzindəki mağazalara hücum çəkmiş, vitrinlərini sındırmışlar.
Fransanın daxili işlər naziri Nikola Sarkozini vəziyyətlə əlaqədar Pakistana və Əfqanıstana rəsmi səfərlərini təxirə salmışdır.
Bölmənin digər xəbərləri
