Fridrix Merz: Almaniya Ukraynaya uzaqmənzilli raketlər verməlidir
Bakı, 14 aprel, AZƏRTAC
Almaniya Ukraynanı uzaqmənzilli “Taurus” raketləri ilə təmin etməlidir.
AZƏRTAC xəbər verir ki, Almaniyada keçirilən parlament seçkilərində qalib gələn XDİ/XSİ blokunun lideri və kansler postuna namizəd Fridrix Merts bu fikri ARD telekanalının efirində səsləndirib.
“Mən həmişə bunu avropalı tərəfdaşlarla razılaşaraq edəcəyimi demişəm”, - deyə siyasətçi bildirib.
Onun sözlərinə görə, Birləşmiş Ştatlar, Fransa və Böyük Britaniya Kiyevə belə silahlar tədarük edir və Almaniya da bunu etməli idi.
Qeyd edək ki, sözü gedən “Taurus” raketlərinin mənzili müəyyən şərtlər daxilində təxminən 500 kilometrə çatır.
Bölmənin digər xəbərləri
