Futbol üzrə Türkiyə millisinin hücumçusu zədələnib
Bakı, 1 iyun, AZƏRTAC
Futbol üzrə Türkiyə millisinin və İngiltərənin “Everton” klubunun hücumçusu Cenk Tosun zədələnib.
AZƏRTAC Türkiyə mətbuatına istinadla xəbər verir ki, 28 yaşlı hücumçu Yunanıstan millisi ilə keçirilən yoldaşlıq görüşündə zədə alıb. Hücumçu bu səbəbindən “Avro 2020”nin seçmə mərhələsində iyunun 8-də evdə Fransa, üç gün sonra isə səfərdə İslandiya ilə qarşılaşmada iştirak etməyəcək.
Qeyd edək ki, C.Tosun Türkiyə millisinin heyətində keçirdiyi 37 oyunda 13 qolun müəllifi olub. Karyerasına Almaniyanın “Ayntraxt” klubunda başlayan hücumçu sonrada “Qaziantepspor” və “Beşiktaş” klublarının formasını geyinib.
Bölmənin digər xəbərləri
