Füzuli sakini: Bu gün qürur hissi ilə doğma yurdumuza geri qayıdırıq
Bakı, 21 avqust, AZƏRTAC
Bu gün çox sevinirəm ki, doğma torpağımıza qayıdırıq. Allah şəhidlərimizə rəhmət eləsin, qazilərimizin canını sağ eləsin!
Bu sözləri AZƏRTAC-a müsahibəsində ata-baba yurduna qayıdan Füzuli sakini Gülgəz Məmmədova deyib.
“İyirmi yaşlarım olardı ki, üç uşağımla Füzulidən çox pis vəziyyətdə çıxmışdım. Bu gün isə övladlarımla birgə qürur hissi ilə doğma yurdumuza geri qayıdırıq. Bu, bizim üçün ən böyük xoşbəxtlikdir”, - deyə o vurğulayıb.
Füzuli sakini qeyd edib ki, dövlətimizin başçısının rəhbərliyi ilə Azərbaycan Ordusu Qələbə qazanıb və torpaqlarımızı işğaldan azad edib. Buna görə də Prezident, Müzəffər Ali Baş Komandan İlham Əliyevə minnətdarlığını bildirib.
Bölmənin digər xəbərləri
