“Gələrsən, görərsən” televiziya layihəsinin növbəti buraxılışı Qubaya həsr olunub

03.10.2014 [17:02]
Çap et
A⁺ A^-

Bakı, 3 oktyabr (AZƏRTAC). Mədəniyyət və Turizm Nazirliyinin sifarişi və dəstəyi ilə çəkilişləri aparılan və artıq dörd bölümü “İctimai” televiziyada yayımlanan “Gələrsən, görərsən” adlı televiziya layihəsi çərçivəsində Azərbaycanın müxtəlif bölgələrinin turizm imkanları işıqlandırılmaqdadır.

Nazirliyin mətbuat xidmətindən AZƏRTAC-a bildirilib ki, televiziya layihəsi Azərbaycanın bir-birindən gözəl bölgələrinin paytaxt əhalisinə, ölkəmizdən kənarda yaşayan həmvətənlərimizə və xarici vətəndaşlara tanıdılması yolunda çox uğurlu addımdır.

Sözügedən layihənin Quba şəhərinə həsr olunan beşinci buraxılışı oktyabrın 6-da, saat 22:50-də “İctimai” televiziyada nümayiş etdiriləcək.