Gənc animasiya mütəxəssisləri arasında “Vizual dizayner” müsabiqəsi elan edilib
Bakı, 10 dekabr, AZƏRTAC
Gənclər və İdman Nazirliyi dekabrın 10-dan yanvarın 15-dək gənc animasiya mütəxəssisləri arasında “Vizual dizayner” müsabiqəsini elan edib.
Nazirlikdən AZƏRTAC-a verilən məlumata görə, müsabiqədə iştirak etmək üçün vizual annimatorlar vətənpərvərlik və COVID-19 pandemiyası ilə mübarizə mövzularında animasiyalar hazırlamalı və Gənclər və İdman Nazirliyinə elektron poçtla təqdim etməlidirlər.
Təqdim edilmiş animasiyalar nazirliyin sosial şəbəkələrdəki səhifələrində paylaşılacaq. Daha çox bəyənmə və baxış toplayan animasiyalar münsiflər heyəti tərəfindən qiymətləndiriləcək. Yekunda ilk üç yeri tutan animatorlar 1500, 1000 və 500 manat məbləğində mükafatlara sahib olacaqlar. Yer tutmayan, lakin maraqlı animasiyaların müəlliflərinə də həvəsləndirici mükafatlar təqdim ediləcək.
Bölmənin digər xəbərləri
