GƏNCLƏR ARASINDA AİDS VƏ NARKOMANİYANIN PROFİLAKTİKASINA DAİR LAYİHƏ KEÇİRİLİR
Bakı, 8 iyun (AZƏRTAC). “Ümidli Gələcək” Gənclər Təşkilatı Gənclər və İdman Nazirliyinin dəstəyi ilə Astara, Lənkəran, Masallı, Biləsuvar, Salyan, Neftçala və Füzuli rayonlarında “Azərbaycanın cənub regionunda gənclər arasında AİDS və narkomaniyanın profilaktikasına dair maarifləndirmə proqramı” adlı layihə həyata keçirir.
Gənclər və İdman Nazirliyindən bildirmişlər ki, layihənin məqsədi gənclərin maarifləndirilməsi vasitəsilə AİDS və narkomaniyaya qarşı ictimai fəallığın səviyyəsinin artırılmasıdır.
Layihə çərçivəsində təşkilatın mütəxəssisləri ilə yanaşı yerli gənclərin gücündən də istifadə etmək, həmçinin layihə başa çatdıqdan sonra da görülən işləri yerli resurslar hesabına davam etdirə biləcək təlimçilərin hazırlanması nəzərdə tutulur.
Gənclər və İdman Nazirliyinin yerli şöbələrində görüşlər təşkil olunmuş və tədbirlərin keçirilməsi qrafiki, təlimçilərin seçilməsi barədə ilkin razılıqlar əldə edilmişdir.
İyunun ortalarından etibarən yerlərdə təlimlərin keçirilməsinə başlanılacaqdır.
Bölmənin digər xəbərləri
