GƏNCLƏR GÜNÜNƏ HƏSR EDİLMİŞ BAYRAM TƏDBİRİ KEÇİRİLMİŞDİR
AZƏRTAC xəbər verir ki, 2 fevral - Gənclər günü münasibətilə Gəncədə keçirilən bayram tədbirinin iştirakçıları əvvəlcə ümummilli liderimiz Heydər Əliyevin abidəsini ziyarət etmiş, əklil qoymuşlar.
Ulu öndərin xeyir-duası ilə inşa edilmiş Olimpiya-İdman kompleksində davam etdirilən tədbirdə iştirakçılar uşaq rəssamlıq məktəbi şagirdlərinin əl işlərindən ibarət sərgiyə tamaşa etmişlər.
Şəhər gənclər və idman baş idarəsinin rəisi Mövsüm Hüseynov tədbiri açaraq Prezident İlham Əliyev tərəfindən “Gənclər ili” elan olunmuş 2007-ci ildə gəncəli gənclərin gördükləri işlərdən danışmış, daim ölkə rəhbərinin qayğısını hiss edən, elə bu səbəbdən də onun bütün fəaliyyətini dəstəkləyən Azərbaycan gənclərini bayram münasibətilə təbrik etmişdir.
Sonra şəhərin ictimai-siyasi həyatında fəallıq göstərən bir qrup gəncə gənclər və idman baş idarəsinin fəxri fərmanları təqdim olunmuşdur.
Bir neçə saat davam edən bayram şənliyi şəhərin incəsənət ustalarının və idmançıların nümunəvi çıxışları ilə başa çatmışdır.
Bölmənin digər xəbərləri
