GƏNCLƏR VƏ İDMAN NAZİRİ AZAD RƏHİMOV İRANA YOLA DÜŞMÜŞDÜR
Bakı, 20 aprel (AZƏRTAC). Gənclər və idman naziri Azad Rəhimov aprelin 20-də İrana yola düşmüşdür.
Nazirlikdən bildirmişlər ki, səfər müddətində Azərbaycanın Gənclər və İdman Nazirliyi ilə İran İslam Respublikası Milli Gənclər Təşkilatı arasında əməkdaşlığa dair memorandum imzalanacaq.
Dörd gün davam edəcək səfər zamanı Azad Rəhimov İİR Gənclər Təşkilatının sədri Məhəmməd Cavad Hacı Əli Əkbəri, Bədən Tərbiyəsi Təşkilatının sədri Əli Abadi, İsfahanın Gənclər Təşkilatının sədri ilə görüşəcək.
Bundan əlavə, A.Rəhimovun İran İslam Respublikasının Prezidenti Mahmud Əhmədinejad və İslam Şurası Məclisinin sədri Əli Laricani tərəfindən qəbulu nəzərdə tutulmuşdur.
Bölmənin digər xəbərləri
