Gimnaziada: Azərbaycan basketbol yığmalarının oyunları hava şəraitinə görə təxirə salınıb
Zlatibor, 7 aprel, AZƏRTAC
Serbiyanın Zlatibor şəhərində keçirilən Gimnaziada İdman Oyunlarında 3x3 basketbol üzrə bugünkü oyunlar təxirə salınıb.
AZƏRTAC xəbər verir ki, buna əlverişsiz hava şəraiti səbəb olub. Bu qərar Azərbaycanın qız və oğlan basketbolçulardan ibarət yığmalarının matçlarına da təsir edib.
Bakı vaxtı ilə 13:00-da başlaması nəzərdə tutulan qarşılaşmalar 3 saat gec start götürəcək.
Qeyd edək ki, oğlanlardan ibarət milli komanda Serbiya və Meksika ilə, qızların yığması isə Rumıniya və Serbiya ilə qarşılaşacaq.
Bölmənin digər xəbərləri
