GİZLİ İMMİQRASİYA RƏHBƏRLƏRİNDƏN 53 NƏFƏR HƏBS EDİLMİŞDİR

20.12.2005 [10:54]
Çap et
A⁺ A^-

AZƏRTAC-ın xüsusi müxbiri xəbər verir ki, Avropanın beş ölkəsinin - Fransa, Böyük Britaniya, Yunanıstan, İtaliya və Türkiyənin polisi eyni gündə xüsusi əməliyyat apararaq, gizli immiqrasiya ilə məşğul olan yerli qrupların 53 rəhbərini həbs etmişdir. Avropa İttifaqının Avropol və Avrojüst agentləri bu əməliyyatı aparmağa bir il hazırlıq görmüşlər.

İmmiqrasiyaya əsasən İtaliyada kürd mənşəli Əli Ako adlı şəxs rəhbərlik edirmiş. Onun həbsi üçün xüsusi polis dəstəsi ayrılmışdır.

Cinayətkar qrupların üzvləri İran, İraq və Əfqanıstan vətəndaşlarıdır.

Təkcə Fransada bu əməliyyata 400 polis cəlb edilmişdir.

Cinayətkar dəstənin üzvləri gizli immiqrasiya yolu ilə Avropaya keçirmək üçün hər adamdan 6-12 min avro alıblar. Avropaya immiqrasiya etmək istəyənlər Türkiyə ərazisindən tranzit kimi istifadə ediblər. Onlar Türkiyədən İtaliyanın Triyest şəhərinə gətirilərək buradan xüsusi yük maşınlarında Fransaya və digər Avropa ölkələrinə göndəriliblər.

GİZLİ İMMİQRASİYA RƏHBƏRLƏRİNDƏN 53 NƏFƏR HƏBS EDİLMİŞDİR

MÜƏLLİFLƏ ƏLAQƏ

Bölmənin digər xəbərləri