GÖRÜŞLƏR DAVAM ETDİRİLƏCƏKDİR
Azərbaycan xarici siyasət idarəsinin rəhbəri E.Məmmədyarov bildirmişdir ki, görüşlər zamanı Ermənistan-Azərbaycan, Dağlıq Qarabağ münaqişəsinin dinc yolla həll olunması ilə bağlı ATƏT-in Minsk qrupu həmsədrlərinin Moskvadakı görüşlərində irəli sürdükləri fikirlər barədə ətraflı müzakirələr aparılmışdır. Azərbaycan və Ermənistan nümayəndələri, eləcə də Minsk qrupunun həmsədrləri müzakirə olunmuş məsələlərə münasibət bildirmiş, danışıqların davam etdirilməsi barədə ümumi razılığa gəlmişlər.
Həmsədrlərlə birlikdə hər iki ölkənin xarici işlər nazirlərinin noyabrın 14-də Brüsseldə növbəti görüşünün keçirilməsi qərara alınmışdır. Brüssel görüşündən sonra həmsədrlər Yerevana və Bakıya səfər edəcəklər.
Nazirlər və həmsədrlər Azərbaycan və Ermənistan prezidentlərinin gələcək görüşlərini də müzakirə etmişlər. Bu görüş barədə belə bir fikir səslənmişdir ki, Brüssel görüşündən və həmsədrlərin regiona səfərindən sonra prezidentlərin görüşünün mümkünlüyü növbəti görüşlərin birində müzakirə olunacaqdır.
Bölmənin digər xəbərləri
