Göyçaylılar mart soyqırımı qurbanlarının xatirəsini ehtiramla yad etmişlər
Göyçay, 30 mart (AZƏRTAC). 31 mart-Azərbaycanlıların soyqırımı günü Göyçayda da qeyd olunmuşdur.
AZƏRTAC xəbər verir ki, rayon icra hakimiyyətinin, idarə və təşkilat kollektivlərinin üzvləri, hüquq mühafizə orqanlarının əməkdaşları, təhsil və səhiyyə işçiləri, gənclər və məktəblilər Şəhidlər xiyabanını və “Azərbaycanlıların soyqırımı” abidə kompleksini ziyarət edərək önünə əklil və gül dəstələri düzmüşlər.
Kompleksin qarşısında keçirilən toplantıda çıxış edənlər “Böyük Ermənistan” yaratmaq xülyasına düşən bədnam qonşularımız tərəfindən 1918-ci ilin martında Bakıda, Qubada, Şamaxıda, Göyçayda, Kürdəmirdə, Lənkəranda və digər ərazilərimizdə törədilən qırğınların acı xatirələrindən, soyqırımı qurbanlarının başına gətirilmiş müsibətlərdən, bu vandalizmin dünya ictimaiyyətinə çatdırılması üçün bütün imkanlardan istifadə olunmasının vacibliyindən söz açmışlar.
Bölmənin digər xəbərləri
