GÜRCÜSTAN PARLAMENTİNİN DEPUTATINA SUİ-QƏSD EDİLMİŞDİR
AZƏRTAC-ın müxbiri xəbər verir ki, Gürcüstan parlamentinin deputatı Kaxa Giulaşviliyə yanvarın 19-da gecə yarısı Tbilisidə öz qarajında avtomobildə olarkən sui-qəsd edilmişdir. O, iki ağır güllə yarası almışdır. Deputat dərhal xəstəxanaya çatdırılmış və onun üzərində cərrahiyyə əməliyyatı aparılmışdır. O, hazırda xəstəxananın reanimasiya şöbəsindədir.
Polis bu hadisənin hər hansı bir səbəbi barədə məlumat verməkdən hələlik çəkinir.
Keçmiş bankir Giulaşvili həm Şevardnadzeyə, həm də indiki hakim bloklara mötədil müxalifətdə olan “Gürcüstanı sənaye xilas edəcək” partiyasının üzvüdür.
Bölmənin digər xəbərləri
