Gürcüstan parlamentinin sədri Ermənistana səfər edib
Tbilisi, 22 dekabr, AZƏRTAC
Gürcüstan parlamentinin sədri Şalva Papuaşvili Ermənistana qeyri-rəsmi səfər edib.
AZƏRTAC xəbər verir ki, bu barədə Ş.Papuaşvili özünün sosial şəbəkə hesabında yazıb. O, səfər çərçivəsində Ermənistan Milli Assambleyasının sədri Alen Simonyanla görüşüb. Görüşdə regional təhlükəsizlik məsələləri də diqqət mərkəzində olub.
Papuaşvili sosial şəbəkədəki səhifəsində yazıb: “Biz parlament əməkdaşlığının dərinləşdirilməsinə dair razılığa gəldik. Eyni zamanda, regional sülh, təhlükəsizlik məsələlərini və parlamentin bu proseslərdə iştirak imkanlarını müzakirə etdik”.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
