Gürcüstanda daha 179 nəfərdə koronavirus aşkar edilib
Tbilisi, 17 sentyabr, AZƏRTAC
Gürcüstanda COVID-19 virusuna yoluxma halları yenidən artıb. Son 24 saat ərzində ölkədə 179 yeni yoluxma faktı qeydə alınıb.
AZƏRTAC xəbər verir ki, bu barədə Gürcüstan hökumətinin rəsmi stopcov.ge portalında məlumat verilir.
Bildirilir ki, Gürcüstanda koronavirusa yoluxanların ümumi sayı 2937-yə çatıb.
Onların da 1422-si müalicə olunaraq sağalıb, 19-u pandemiyanın qurbanı olub.
Hazırda ölkədə 6633 nəfər karantində, 836 nəfər stasionar nəzarətdədir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
