Gürcüstanda koronavirusa yoluxma və bu virusdan ölüm halları yenidən artıb
Tbilisi, 24 oktyabr, AZƏRTAC
Gürcüstanda son sutkada daha 1 941 nəfərdə koronavirus aşkarlanıb, 350 nəfər sağalıb, 10 koronavirus xəstəsi isə həyatını itirib.
AZƏRTAC xəbər verir ki, bu barədə Gürcüstan hökumətinin xüsusi stopgov.ge saytında məlumat verilib.
Bildirilir ki, bununla da ölkədə COVID-19-a yoluxanların ümumi sayı 26 min 503 nəfərə çatıb.
Sağalanların sayı 10163, ölənlərin sayı isə 193 olub.
Hazırda karantində 4 180, stasionar nəzarətdə isə 3 571 nəfər saxlanılır.
Xəstəliyi yüngül keçirən 2293 nəfər xüsusi otellərdə müalicə alır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
