Gürcüstanda koronavirusun qeydə alındığı ilk gündən bir il keçir
Tbilisi, 26 fevral, AZƏRTAC
Bu gün Gürcüstanda koronavirus infeksiyasının qeydə alınmasının bir ili tamam olur.
AZƏRTAC xəbər verir ki, Gürcüstanda koronavirus ilk dəfə 2020-ci il fevralın 26-da qeydə alınıb.
Bu günədək ölkədə 269 min 800 nəfər COVID-19-a yoluxub. Onların 163 min 727-si müalicə olunaraq sağalıb. Ötən bir il ərzində 3 min 475 nəfər pandemiyanın qurbanı olub.
Bu günədək ölkədə koronavirusun yeni Britaniya növünə 4 yoluxma halı qeydə alınıb.
Qeyd edək ki, koronavirus ilk dəfə 2019-cu ilin dekabrında Çindən yayılmağa başlayıb.
Dünya Səhiyyə Təşkilatı 2020-ci il martın 11-də COVID-19 ilə bağlı epidemioloji vəziyyəti pandemiya elan edib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
