GÜRCÜSTANDA NAMƏLUM QRİP VİRUSU AŞKAR OLMUŞDUR
AZƏRTAC-ın müxbiri Tbilisidən xəbər verir ki, Gürcüstanın Tetriskaro rayonunda (Tbilisidən təxminən 30 km cənub-şərqdə) qrip epidemiyası yayılmışdır. Qripin hansı virusdan törəndiyi hələlik məlum deyildir. Rayonun bir sıra məktəb və müəssisələrində karantin elan edilmişdir. Xəstəliyin əlamətləri – yüksək temperatur və oynaqlarda ağrılar qrip xəstəliyi üçün xarakterik olsa da, müvafiq dərmanların qəbulu qızdırmanı sala bilmir. Tbilisidən rayona tibb işçilərindən ibarət xüsusi qrup göndərilmişdir.
Bölmənin digər xəbərləri
