HAAQADA XOCALI SOYQIRIMI QURBANLARININ XATİRƏSİ ANILMIŞDIR
Haaqa, 3 fevral (AZƏRTAC). Azərbaycanın Niderland Krallığındakı səfirliyindən bildirmişlər ki, martın 1-də Haaqada Xocalı soyqırımı qurbanlarının xatirəsinə həsr olunmuş və Avropada ilk dəfə ucaldılmış abidənin qarşısında Niderland-Azərbaycan Türk Kültür Dərnəyi tərəfindən anma mərasimi keçirilmişdir.
Tədbirdə Niderlandda fəaliyyət göstərən bütün Azərbaycan və türk diaspor təşkilatlarının təmsilçiləri, Avropanın digər ölkələrindən gəlmiş soydaşlarımız, Azərbaycanın Niderlanddakı səfiri Fuad İsgəndərov, Haaqada akkreditə olunmuş diplomatik korpusun üzvləri, yerli holland ictimaiyyətinin nümayəndələri və xarici qonaqlar iştirak etmişlər.
Tədbirdə çıxış edən Niderland-Azərbaycan Türk Kültür Dərnəyinin rəhbəri İlhan Aşqın, Azərbaycanın Niderlanddakı səfiri Fuad İsgəndərov, Almaniyadan gəlmiş diaspor fəalı Orxan Araz, Hollandiya Millətlərarası Mədəniyyət Platforması təşkilatının təmsilçisi Janmari der Çesteyn Xocalı hadisələri haqqında danışmış, soyqırımı törədənlərin cəzalandırılmasına çağırmış, bu cür faciənin bir daha təkrarlanmaması istiqamətində addımların atılmasının vacibliyini vurğulamış, soyqırımın Avropa ictimaiyyətinə tanıdılması üçün daha fəal iş aparılmasının zəruriliyini qeyd etmiş, bu məqsədlə Azərbaycan və türk diasporlarının iş birliyi çərçivəsində görülən tədbirlər barədə mitinq iştirakçılarını məlumatlandırmışlar.
Kütləvi aksiya yerli və xarici mətbuat orqanları tərəfindən geniş işıqlandırılmışdır.
######
 |
 |
Bölmənin digər xəbərləri
