Hande Harmancı: Ümid edirik ki, peyvənd bu ilin sonuna qədər əlçatan olacaq
Bakı, 25 iyun, AZƏRTAC
Hazırda dünyada koronavirus əleyhinə 10 peyvəndin hazırlanması üzərində iş aparılır. 126 peyvənd isə pre-klinik qiymətləndirmə mərhələsindədir. Bir peyvənd artıq sınağın son mərhələsindədir. Ümid edirik ki, bu peyvənd 2020-ci ilin sonuna qədər dünyada həssas qruplar və tibb işçiləri üçün əlçatan olacaq.
AZƏRTAC xəbər verir ki, bunu Nazirlər Kabineti yanında Operativ Qərargahın brifinqində Ümumdünya Səhiyyə Təşkilatının Azərbaycan nümayəndəliyinin rəhbəri Hande Harmancı bildirib.
“COVID-19-a yoluxmuş ağır dərəcəli xəstələrin müalicəsində “deksametazon” preparatının ölüm hallarını üçdəbirə qədər azaltdığı sübut olunub. Bu, xəstəliklə mübarizədə böyük nailiyyətdir”, - deyə H.Harmancı qeyd edib.
Bölmənin digər xəbərləri
