Hasil Abbasov: Ötən il 189 mindən çox vətəndaş işlə təmin edilib
Bakı, 27 yanvar, AZƏRTAC
Aktiv məşğulluq tədbirlərindən biri işədüzəltmədir. İşlə təmin olunma prosesi Dövlət Məşğulluq Agentliyinin regional filiallarında, DOST Mərkəzlərində həyata keçirilir. Vətəndaş işədüzəltmə ilə bağlı müvafiq qurumlara müraciət edir və bu zaman ilk növbədə, onun məşğulluq imkanları dəyərləndirilir. Bundan sonra vətəndaş üçün fərdi məşğulluq proqramı hazırlanır. Əgər o, şərtləri ödəyirsə, bu zaman göndəriş formalaşır.
AZƏRTAC xəbər verir ki, bunu Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin İdarə Heyətinin sədri Hasil Abbasov 2025-ci ilin yekunlarına və 2026- cı ilin hədəflərinə həsr olunan mətbuat konfransında deyib.
O bildirib ki, sosial tərəfdaşlarla əməkdaşlıq çərçivəsində vətəndaşların işə götürülməsini təmin edilir: "Bunun nəticəsidir ki, 2025-ci ildə 189 mindən çox vətəndaşımız işlə təmin edilib. 16 min 827-dən çox vətəndaşımız isə özünəməşğulluq proqramı ilə əhatə olunub. Proqram 32 istiqamət üzrə zərflə əhatə edilib".
Bölmənin digər xəbərləri
