“HƏMAS”IN NÜMAYƏNDƏ HEYƏTİ MOSKVAYA GƏLƏCƏK
AZƏRTAC “Novosti” agentliyinə istinadla xəbər verir ki, “Həmas” hərəkatının nümayəndə heyəti martın əvvəllərində Moskvaya gələcəkdir. Bu, Rusiya Xarici İşlər Nazirliyinin İnformasiya və Mətbuat Departamenti tərəfindən fevralın 16-da yayılmış qısa məlumatda bildirilir.
Məlumatda nümayəndə heyətinə məhz kimin başçılıq edəcəyi açıqlanmır.
Xatırladaq ki, bu yaxınlarda hərəkatın lideri Xəlil Əbu Layla bildirmişdir ki, “Həmas” Moskvada danışıqlar aparılması üçün rəsmi dəvət almışdır. Onun sözlərinə görə, dəvət xaricdə yaşayan “Həmas” Siyasi Bürosunun başçısı Xalid Məşələ göndərilmişdir.
Səfərin vaxtı sonra razılaşdırılacaqdır.
Bölmənin digər xəbərləri
