Hərbi institutun orkestr heyəti Bursada keçirilən beynəlxalq festivalda iştirak edir
Bakı, 30 sentyabr, AZƏRTAC
Türkiyənin Bursa Beynəlxalq Orkestrlər Festivalında iştirak etmək üçün Heydər Əliyev adına Hərbi İnstitutun Hərbi Orkestr heyəti qardaş ölkədə səfərdədir.
Müdafiə Nazirliyinin mətbuat xidmətindən AZƏRTAC-a bildirilib ki, müxtəlif ölkələrin hərbi orkestrlərinin iştirakı ilə keçirilən festivalda ölkəmizi Hərbi İnstitutun Hərbi Orkestrinin rəisi hərbi dirijor polkovnik-leytenant Fariz Məmmədzadənin rəhbərlik etdiyi 35 nəfərlik nümayəndə heyəti təmsil edir.
Beynəlxalq festival oktyabrın 1-dək davam edəcək.
Bölmənin digər xəbərləri
