“Həyat bilgisi fənninin tədrisi metodikası” mövzusunda ixtisasartırma təlimlərinin yekun qiymətləndirilməsi keçirilib
Bakı, 18 mart, AZƏRTAC
Təhsil İnstitutu tərəfindən “Həyat bilgisi fənninin tədrisi metodikası” mövzusunda ixtisasartırma təlimlərinin yekun qiymətləndirilməsi keçirilib.
İnstitutdan AZƏRTAC-a bildirilib ki, “Microsoft Teams” platforması üzərindən onlayn formatda təşkil olunan qiymətləndirmə zamanı müdavimlər təlimlərdə keçilmiş mövzulara uyğun test tapşırıqlarını cavablandırıblar.
Ümumilikdə 203 müdavimdən 195-i qiymətləndirmədə iştirak edib.
Qiymətləndirmə prosesi bitdikdən dərhal sonra iştirakçılara nəticələrini əldə etmə imkanı verilib. Qiymətləndirmədə iştirak edən müdavimlərə nəticələrinin əks olunduğu sertifikatlar təqdim ediləcək.
Bölmənin digər xəbərləri
