HEYDƏR ƏLİYEV FONDUNUN VƏSAİTİ İLƏ DAHA BİR MƏKTƏB BİNASI TİKİLMİŞDİR

19.12.2005 [13:52]
Çap et
A⁺ A^-

AZƏRTAC-ın müxbiri xəbər verir ki, Heydər Əliyev Fondunun “Yeniləşən Azərbaycana yeni məktəb” Proqramı çərçivəsində Goranboy rayonunun Qaramusalı kəndində 200 yerlik məktəb binası tikilib istifadəyə verilmişdir.

Bu münasibətlə keçirilən mərasimdə bildirilmişdir ki, cari ildə rayonda 4 məktəb binası tikilmiş, xeyli təhsil ocağı əsaslı təmir edilmişdir. Məktəblərin maddi-texniki bazası da möhkəmləndirilmişdir. Bütün bu nailiyyətlər dövlətin, Prezident İlham Əliyevin təhsilə göstərdiyi qayğının nəticəsi kimi qiymətləndirilmiş və hazırda bu sahədə işlərin uğurla davam etdirildiyi nəzərə çarpdırılmışdır.

Sonra müəllimlər, kənd ağsaqqalları, valideynlər çıxış edərək, məktəbin tikintisi ücün Heydər Əliyev Fondunun prezidenti Mehriban xanım Əliyevaya minnətdarlıqlarını bildirmişlər.

Açılışı bildirən qırmızı lent kəsilmiş və mərasim iştirakçıları yeni məktəblə tanış olmuşlar.