QAN YADDAŞI
Heydər Əliyev Mərkəzində 31 mart soyqırımı qurbanlarının xatirəsi anılmışdır
Bakı, 29 mart (AZƏRTAC). Yasamal Rayon Heydər Əliyev Mərkəzi və İ.Əbilov adına mədəniyyət mərkəzinin birgə təşkilatçılığı ilə 31 mart soyqırımı qurbanlarının xatirəsini anma tədbiri keçirilmişdir.
Mərkəzdən AZƏRTAC-a bildirmişlər ki, tədbirin iştirakçıları əsrlər boyu erməni şovinistlərinin Azərbaycana qarşı irəli sürdükləri əsassız ərazi iddialarından, törətdikləri vəhşiliklərdən, xalqımızın başına gətirilən müsibətlərdən söz açmış, soyqırımı aktlarının dünya ictimaiyyəti tərəfindən tanınmasının vacibliyindən və bu istiqamətdə dövlətimizin həyata keçirdiyi tədbirlərdən danışmışlar.
Tədbirdə 31 mart soyqırımından və Qarabağ savaşından bəhs edən slayd və filmlər, Qarabağ müharibəsi zamanı ermənilərin törətdikləri vəhşilikləri özündə əks etdirən fotosərgi nümayiş olunmuşdur.
Sonda İ. Əbilov adına mədəniyyət mərkəzinin “Vurğun” poeziya teatrının ifasında bədii kompozisiya təqdim edilmişdir.