Hindistanda ötən gün 16 min 922 nəfər COVID-19 infeksiyasına yoluxub
Pekin, 25 iyun, AZƏRTAC
Hindistanda ötən sutka ərzində COVID-19 infeksiyasına 16 min 922 yoluxma və bu virus səbəbindən 418 ölüm qeydə alınıb.
AZƏRTAC yerli KİV-lərə istinadla xəbər verir ki, ötəngünkü yoluxma sayı Hindistanda gündəlik rekord göstərici olub. İndiyədək ölkədə ümumilikdə 473 min 105 yoluxma və 14 min 894 ölüm qeydə alınıb.
Hindistanın Səhiyyə Nazirliyi ölkənin 12 ştatı üzrə virusa yoluxmada rekord göstərici qeydə alındığını açıqlayıb. Ölkə üzrə virusa yoluxanların 15,34 faizi xəstəxanaların reanimasiya şöbələrində yerləşdirilib, 4,16 faizi isə süni nəfəs aparatı ilə nəfəs alır.
Qeyd edək ki, Hindistan COVID-19 virusa yoluxanların sayına görə ABŞ, Braziliya və Rusiyanın ardından 4-cü sıradadır. Ən pis vəziyyət Maharaştra, Tamil Nadu, Qucarat ştatlarında və paytaxt Dehlidədir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
