Hipotetik prezident seçkilərində Donald Tramp Cozef Baydeni qabaqlayıb
Bakı, 12 oktyabr, AZƏRTAC
ABŞ-ın sabiq dövlət başçısı Donald Tramp Miçiqan və Ohayo kimi həlledici ştatlarda hazırkı Prezident Cozef Baydendən daha çox dəstəyə malikdir.
AZƏRTAC xəbər verir ki, bu barədə məlumat “Marketing Resource Group” kompaniyasının keçirdiyi sosioloji rəy sorğusunun nəticələrində öz əksini tapıb.
Belə ki, rəy sorğusuna əsasən, 2024-cü il hipotetik prezident seçkilərinin gedişində Donald Tramp 42 faiz səs toplayaraq respondentlərin 35 faizinin dəstəyini qazanan Cozef Baydeni qabaqlaya bilib. Eyni zamanda, rəyi soruşulan amerikalıların 20 faizi müstəqil namizədə səs verəcəyini, 3 faizi isə kimi dəstəkləyəcəyini hələ dəqiqləşdirmədiyini bildirib.
Oktyabr ayının əvvəlində iki ştatın ərazisində keçirilən sorğuda xəta ehtimalı 4 faiz təşkil edir.
Bölmənin digər xəbərləri
