HİTLERİN SULU BOYA İLƏ ÇƏKDİYİ ŞƏKİL 9 MİN 200 DOLLARA SATILMIŞDIR
AZƏRTAC Bi-Bi-Si-yə istinadla xəbər verir ki, Adolf Hitlerin sulu boya ilə çəkdiyi şəkil İngiltərənin Kornuoll qraflığında 5 min 200 funt sterlinqə (9 min 200 dollara) satılmışdır. Gələcək nasist diktatorunun 1924-cü ildə çəkdiyi 17X20 santimetr ölçülü rəsmdə alman poçtalyonu təsvir olunmuşdur.
Şəkli satışa çıxaran Cefferis hərrac evinin məlumatına görə, akvarel bir vaxtlar fürerin şəxsi yavərinə məxsus idi və İkinci Dünya müharibəsindən sonra britaniyalı kolleksiyaçı tərəfindən alınmışdı.
Şəklin həm əvvəlki, həm də indiki sahibləri adlarını gizli saxlamışlar. Bircə bu məlumdur ki, əsərin alıcısı Kornuoll qraflığının sakinidir.
Bölmənin digər xəbərləri
