HOLLANDİYALILAR ANDORRADA OYNAMAQ İSTƏMİRLƏR
AZƏRTAC Hollandiya Futbol Assosiasiyasının rəsmi saytına istinadla xəbər verir ki, o, FİFA-ya məktub göndərərək, 2006-cı ilin dünya çempionatının noyabrın 17-də Andorra komandası ilə olacaq seçmə oyununu Barselonaya keçirməyi xahiş etmişdir.
Hollandiyalılar öz xahişini Andorradakı stadionun dünya standartlarına cavab verməməsi, habelə futbolçuların və azarkeşlərin təhlükəsizliyini təmin etmək imkanına malik olmaması ilə izah edirlər. Hollandiya qonşu İspaniyanı, konkret olaraq, Barselonadakı “Nou Kamp” stadionunu alternativ variant hesab edir.
Bölmənin digər xəbərləri
