HÜQUQ MÜDAFİƏÇİLƏRİ AZƏRBAYCANDA İNSAN HAQLARINA RİAYƏT OLUNMASINDAN RAZIDIRLAR
“Biz insan haqlarının ən kəskin sahələrində Azərbaycanda tərəqqi olduğunu böyük məmnuniyyətlə təsdiq edirik”. Bu sözləri tanınmış hüquq müdafiəçisi, Rusiya Dövlət Dumasının deputatı Sergey Kovalyov fevralın 21-də Milli Məclisdə insan hüquqları daimi komissiyasının üzvləri ilə görüşü zamanı söyləmişdir.
Ölkəmizdə cəmiyyətin demokratikləşdirilməsi prosesi və Ermənistanın təcavüzü nəticəsində ev-eşiyindən didərgin düşmüş soydaşlarımızın hüquqlarının pozulması barədə azərbaycanlı həmkarlarının məlumatını dinləyən Sergey Kovalyov bildirdi ki, Rusiyanın Qarabağ münaqişəsi ilə bağlı mövqeyi, təəssüf ki, o qədər də qüsursuz deyildir. Rusiya hüquq müdafiəçisi dedi ki, Dövlət Duması mənə səlahiyyət verməsə də haqq qazandırmağa çalışmayacağam və yalnız üzürxahlıq edə bilərəm.
Milli Məclisin daimi komissiyasının üzvləri və Sergey Kovalyov söhbət zamanı Avropa Şurası Parlament Assambleyasının ikili standartlar siyasətinə də toxunmuşlar.
Bölmənin digər xəbərləri
