İİTKM-də Qlobal Beyin Mərkəzləri Forumu keçirilir
Bakı, 16 noyabr, AZƏRTAC
İqtisadi İslahatların Təhlili və Kommunikasiya Mərkəzi (İİTKM) Asiya İnkişaf Bankı (AİB), Asiya İnkişaf Bankı İnstitutu (AİBİ) və Mərkəzi Asiya Regional İqtisadi Əməkdaşlıq Proqramı İnstitutu (CAREC Institute) ilə birgə Qlobal Beyin Mərkəzləri Forumu keçirir.
AZƏRTAC xəbər verir ki, “Qlobal yaşıl iqtisadiyyat: İqlim fəaliyyəti, maliyyələşdirmə və innovasiya” (Global Green Economy: Climate Action, Financing and Innovation) mövzusunda təşkil olunan forumda T20 şəbəkəsinə daxil olan qlobal miqyasda ən nüfuzlu beyin mərkəzlərinin nümayəndələri - alimlər, dövlət qurumlarının rəsmiləri, özəl sektor təmsilçiləri, QHT-lər və digər maraqlı tərəflər iştirak edirlər.
Forum çərçivəsində yaşıl iqtisadiyyat modeli, iqtisadi inkişafı ətraf mühitin qorunması ilə uyğunlaşdıraraq davamlı inkişafın təmin edilməsi modeli mühüm müzakirə predmetidir. Forum iştirakçıları tərəfindən karbon emissiyalarının azaldılması, bərpaolunan enerji mənbələrinin genişləndirilməsi, yaşıl maliyyə mexanizmlərinin tətbiqi və iqlim dəyişikliklərinə uyğunlaşma tədbirlərinin vacibliyi qeyd olunur.
Bölmənin digər xəbərləri
