İlqar İsbatov: Xocalıda mövcud vəziyyət öyrənildikdən sonra şəhərin planı hazırlanacaq
Bakı, 1 oktyabr, AZƏRTAC
Dünya ictimaiyyətini hazırda düşündürən əsas məsələlərdən biri də dayanıqlı inkişaf mövzusudur.
AZƏRTAC xəbər verir ki, bu barədə KİV-lərə müsahibəsində Dövlət Şəhərsalma və Arxitektura Komitəsinin sədr müavini İlqar İsbatov deyib.
Komitə rəsmisi qeyd edib ki, II Azərbaycan Milli Şəhərsalma Forumunda dünyanin bir çox ölkələrindən gəlmiş alimlər və mütəxəssislər bu aktual məsələ ilə bağlı fikirlərini bildirdilər.
Forumda qəbul edilmiş qərarlar və müddəalar gələcəkdə dayanıqlı şəhərlərin inkişafina töhfə olacaq.
Xocalı şəhərinin Baş planı ilə bağli məsələyə toxunan İ.İsbatov bildirib ki, Xocalıda mövcud vəziyyət öyrənildikdən sonra şəhərin planı hazırlanacaq.
O vurğulayib ki, Xocalıya ilkin baxışın və dəyərləndirmənin həyata keçirilməsi üçün komitə tərəfindən müvafiq qrup göndəriləcək. Hazırda bununla bağlı hazırlıq işləri gedir.
Sədr müavini vurğulayıb ki, digər şəhərlərdə olduğu kimi burada da əvvəlcə mövcud vəziyyət öyrənilməli və daha sonra şəhərin planının hazırlanması işlərinə başlanmalıdır.
Bölmənin digər xəbərləri
