İnformasiya Texnologiyaları İnstitutunun magistrantları elmi-pedaqoji təcrübəni uğurla başa vurublar

26.04.2021 [16:12]
Çap et
A⁺ A^-

Bakı, 26 aprel, AZƏRTAC

İnformasiya Texnologiyaları İnstitutunun Elmi şurasının növbəti onlayn iclasında institutun II kurs magistrantlarının elmi-pedaqoji təcrübələrinin nəticələri haqqında müzakirələr aparılıb.

Bu barədə AZƏRTAC-a institutdan məlumat verilib.

İnstitutun şöbə müdiri, texnika üzrə fəlsəfə doktoru, dosent Fərhad Yusifov bildirib ki, bu il 17 mart - 16 aprel tarixlərində II kurs magistrantları tədris planına uyğun olaraq 4 həftə ərzində elmi-pedaqoji təcrübə keçiblər.

“Ümumilikdə magistraturada II kurs üzrə təhsil alan 8 magistrant elmi-pedaqoji təcrübəyə cəlb olunub. Təcrübəyə institutun baş elmi işçisi, texnika üzrə fəlsəfə doktoru Məmməd Həşimov və böyük elmi işçi Nərmin Adıgözəlova rəhbərlik ediblər”.

F.Yusifov qeyd edib ki, magistrantlar elmi-pedaqoji təcrübəni uğurla başa vurub və yüksək balla qiymətləndiriliblər.